Kiongozi wa Korea Kaskazini, Kim Jong-un amesema kuwa matamshi ya rais wa Marekani Donald Trump aliyemtaja kuwa na matatizo ya kiakili yamempatia motisha zaidi ya kuendelea kutengeza makombora ya taifa lake.

Katika taarifa ya kibinafsi isio ya kawaida, bwana Kim amesema kuwa rais Trump atalipia kauli zake za hotuba ya baraza la Umoja wa mataifa ambapo alionya kuiangamiza Korea Kaskazini iwapo Marekani italazimika kujilinda.

Trump naye alijibu akisema kuwa ”mwenda wazimu” hajawahi kufanyiwa atakachofanyiwa akijaribu.

Mataifa hayo mawili wamejibizana kwa kurushiana maneneo makali katika siku za hivi karibuni.

Rais Kim alimaliza taarifa yake kwa kusema kwamba atamnyamazisha kiongozi huyo ”aliye na akili punguani” kwa vita.

Msemaji wa ikulu rais Dmitry Peskov alisema kuwa Moscow ina wasiwasi kuhusu kiwango cha wasiwasi kinachozidi kuongezeka.

Korea Kaskazini imekuwa ikifanyia majaribio makombora yake katika kiwango kisicho cha kawaida na kufanya jaribio lake la sita la kinyuklia licha ya shutuma za kimataifa.

Waziri wa maswala ya kigeni nchini Korea Kaskazini Ri Yong -ho ambaye awali alikuwa ameifananisha hotuba ya rais Trump kama ile ya ”mbwa anayebweka” ameonya kuwa Pyongyang italifanyia jaribio bomu lake la H-Bomb katika bahari ya pacific kujibu tishio la rais Trump.

Leave a Reply

Your email address will not be published. Required fields are marked *