Mbunge wa Jimbo la Ubungo, Saed Kubenea amesema kuwa Spika wa Bunge la Jamhuri ya Muungano wa Tanzania, Job Ndugai hatoshi kuendelea na nafasi hiyo ya kuliongoza bunge kwani amekuwa akiwakandamiza wabunge wa Chadema.

Kubenea amemtuhumu Spika kuwa hafai kwa sababu pia alishawahi kupata kashfa ya kumpiga ndugu yake aliyekuwa mgombea mwenzake wa nafasi ya ubunge Jimbo la Kongwa Mkoani Dodoma.

Ameyasema hayo wakati wa mkutano wake wa hadhara na wapiga kura wake wa kata ya Manzese Wilaya ya Ubungo Jijini Dar es salaam.

Kubenea amesema kuwa Ndugai alifanya tukio hilo wakati wa kinyang’anyiro cha kura za maoni ndani ya Chama cha Mapinduzi (CCM).

Pia Kubenea amewataka wapiga kura wake kutoshangaa kwa kukaa kimya bila mradi katika Manispaa mpya ya Ubungo kwakuwa Manispaa hiyo bado mpya na kulikuwa mgawanyo wa miradi hiyo.

Leave a Reply

Your email address will not be published. Required fields are marked *