Aliyekuwa Mbunge wa Kigoma Kusini, David Kafulila amelaani hatua ya Mkuu wa Wilaya ya Hai, Gelasius Byakanwa kutumia mamlaka yake kuvamia na kuharibu shamba la Mwenyekiti wa Chadema, Freeman Mbowe.

Kamati ya Ulinzi na Usalama ya Wilaya hiyo ikiongozwa na Mkuu wa Wilaya walivamia shamba la Mbowe nyumbani kwake Machame na kuharibu miundombinu, mali, mboga na mimea kadhaa.

Kafulila alisema amesoma na kusikia kuwa Mkuu huyo alitumia mamlaka yake kufanya kitendo hicho, jambo ambalo aliliita ni laana ya hali ya juu.

“Nimesoma na kusikia kuwa Mkuu wa Wilaya ametumia mamlaka yake kuvamia na kuharibu shamba la Mwenyekiti wa Chadema ambalo ni uwekezaji wa kilimo cha mboga kwa soko la ndani na nje ya nchi,” alisema.

Amesema kitendo hicho ni cha kushangaza, kwa kuwa shamba hilo lina thamani ya mamilioni ya fedha, lakini mtu anatokea na kuharibu miundombinu kwa kuwa ni kiongozi tena bila sababu za msingi jambo ambalo halileti picha nzuri kwa jamii.

Leave a Reply

Your email address will not be published. Required fields are marked *