Mafuriko Jangwani yasababisha Mwendokasi kusitisha safari zake

0
151

Kampuni inayotoa huduma katika mradi wa mabasi yaendayo haraka (UDART) imeamua kusitisha usafirishaji wa abiria kwa baadhi ya njia kutokana na kufungwa kwa barabara ya Morogoro eneo la Jangwani kutokana na mafuriko yaliyosababishwa na mvua zinazoendelea kunyesha.

Hayo yameelezwa na Mkuu wa Kitengo cha Mawasiliano UDART, Deus Bugaywa na kusema wamechukua maamuzi hayo kutokana na maji mengi ya mvua kupita juu ya daraja la Mto Msimbazi Jijini Dar es Salaam hali ambayo inahatarisha usalama wa abiria pamoja na vyombo vya usafirishaji.

“Kwa sasa huduma zinatolewa kwa njia za Mbezi – Kimara, Kimara – Morroco, Kimara – Magomeni Mapipa, Kivukoni – Muhimbili, Gerezani – Kvukoni, na Gerezani – Muhimbili. Huduma kamili zitarejea mara baada ya barabara kufunguliwa”,.

Kwa upande mwingine, Mkuu wa Kitengo cha Mawasiliano UDART, Deus Bugaywa amewaomba radhi wananchi wanaotumia usafiri huo kwa usumbufu ambao utajitokeza kwa namna moja ama nyingine.

LEAVE A REPLY